Հանդիպում Լորդ Քոուքերի հետ

25 հունիսի, 2026

Հունիսի 25-ին Միացյալ Թագավորությունում ՀՀ արտակարգ և լիազոր դեսպան Ն.Գ. Վարուժան Ներսեսյանը հանդիպել է ՄԹ պաշտպանության պետնախարար, Լորդ Քոուքերի հետ։

Հանդիպման ընթացքում զրուցակիցները քննարկել են Հայաստան-ՄԹ ռազմական համագործակցության շարունակական զարգացումը՝ հիմնվելով նախորդ տարի Լորդ Քոուքերի՝ Հայաստան կատարած այցի արդյունքների վրա և Հայաստան-ՄԹ ռազմավարական գործընկերության համատեքստում։ Դեսպան Ներսեսյանն ընդգծել է երկկողմ պաշտպանական փոխգործակցության դրական դինամիկայի ամրապնդման և փոխադարձ հետաքրքրություն ներկայացնող ոլորտներում համագործակցության նոր հնարավորությունների դիտարկման կարևորությունը։

Դեսպան Ներսեսյանը Լորդ Քոուքերին է ներկայացրել նաև Հարավային Կովկասում տեղի ունեցող վերջին տարածաշրջանային զարգացումները։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր